Jak to u nołs na odpuście

Odpust to jedyn z najfajniejszich i najbardzij uroczystich świąt na Śląsku. Na suma w kojściele i obiołd do domu zapraszo sie wszystkie ciotki i ujków, jak i wszystkich kamratów.

Po uroczystyj sumie w kojściele, najwiynkszom atrakcjom szczególnie dla bajtli som budy. Starsze synki kupujom se pistole na korki abo placpatrony. Młodszy dziywki wachlorze, "złoty" pieszczonki, kety, no i pełno maszketow: "kartofli", piernikow, makronow, lukrecji, szklokow, raszplow, a na koniec wata cukrowo.

Potym wszyjscy wracajom do dom, kaj czekoł na nich świontecznyj obiod. Najpiyrw jest rosół ze swojskimi nudlami. Potym kaczka abo gynś pieczono w bratrurze, rolady i oczywiście czorne i bioły kluski. Ku tymu jeszcze światło kapusta i szałołt z biołyj. Kompot to jest z augustek, abo z wieprzek, abo z bani. Po obiedzie na dyser jest szpajza i śmietana z jagodami, truskawkami. Do kafeju zaś gospodyni dołwoł kołołcz i inksze różnorakiy ciasta, przigotowane dziyń pryndzyj.

Na wieczor, ażeby to wszystko wyczonś, dorojśli idom na zabawa do zołlu, kaj sie bawiom aże miesiączek zajdzie.

Autorkami opisu są uczennice PG w Bierawie: Angelika Musioł i Aneta Mika

powrót do strony głównej: